Agar inflatsiya sekinlashmasa, FZT stavkani oshirishni koʻrib chiqmoqda

Agar inflyatsiya yaqin kelajakda sekinlashmasa, AQSh Federal zaxira tizimi foiz stavkalarini oshirishi mumkin. Buni Boston Federal zaxira bankining prezidenti Syuzan Kollinz maʼlum qildi.

Kollinzning soʻzlariga koʻra, hozirgi foiz stavkasi inflyatsiyani pasaytirishga yordam bermoqda, ammo narxlar oʻsish surʼati hamon yuqori boʻlib qolmoqda. Agar vaziyat yaxshilanmasa, uning bahosicha, FZT yaqin orada monetar siyosatni qattiqlashtirishga toʻgʻri keladi.

Iqtisodchilarning prognozlariga koʻra, oziq-ovqat va energiya narxlarini hisobga olmaydigan asosiy PCE indeksi iyul oyida yillik asosda 3,3 foizga oshdi. Xuddi shu koʻrsatkich iyun oyida ham qayd etilgan edi. FZTning inflyatsiya boʻyicha maqsadli koʻrsatkichi 2 foizni tashkil etadi.

AQShda asosiy inflyatsiya oʻtgan yildan beri asta-sekin oʻsib bormoqda. FZT buni bir qancha omillar bilan bogʻlamoqda, jumladan importga nisbatan oshirilgan bojxona tariflari, Erondagi urush sababli neft narxlarining koʻtarilishi va sunʼiy intellektga kiritilayotgan yirik investitsiyalar bilan.

FZTning bazaviy foiz stavkasi hozirda 3,5%-3,75% oraligʻida saqlanmoqda. Markaziy bank dekabrdan beri stavkani oʻzgartirmagan boʻlib, keyingi qarorlarni inflyatsiya koʻrsatkichlariga asoslangan holda qabul qiladi.

Manba: Investing.com