Janubiy Koreya AQShda 20 milliard dollarlik energetika loyihasini koʻrib chiqmoqda

Janubiy Koreya AQShga rejalashtirilgan $350 milliard hajmidagi investitsiya dasturi doirasidagi birinchi loyihani tanladi. Soʻz boradigan loyiha — Texasdagi quvvati 6,3 gigavatt boʻlgan gazda ishlaydigan elektr stantsiyasi boʻlib, uning qiymati $20 milliarddan oshadi.

Loyiha hali AQSh hukumatining maxsus investitsiya qoʻmitasidan tasdiqdan oʻtishi kerak, tomonlar oʻrtasidagi muzokaralar esa davom etadi. Janubiy Koreya hukumati loyihalarning moliyaviy tomoniga alohida eʼtibor qaratmoqda va kelishilgan investitsiyalarning iqtisodiy jihatdan asoslangan boʻlishini taʼminlashga harakat qilmoqda.

Seul bir qancha boshqa loyihalarni ham koʻrib chiqmoqda. Bular qatoriga AQShda Janubiy Koreya texnologiyasidan foydalangan holda ikkita yadro reaktori qurish, shuningdek, amerikalik Westinghouse kompaniyasida 5%dan 10%gacha ulush sotib olish imkoniyati kiradi. Alyaska LNG loyihasida ishtirok etish boʻyicha hali qaror qabul qilinmagan.

$350 milliardlik dastur AQSh va Janubiy Koreya oʻrtasidagi savdo kelishuvining bir qismi hisoblanadi. Kelishuv natijasida AQShning Janubiy Koreya tovarlariga nisbatan qoʻllaydigan bojxona tariflari 15%gacha pasaytirildi.

Manba: Investing.com