# Sunʼiy intellekt davrida ajralib turuvchi 5 ta kiberxavfsizlik kompaniyasi

Sunʼiy intellektning tez rivojlanishi bilan kompaniyalar uchun maʼlumotlar va raqamli tizimlarni himoya qilish tobora muhim ahamiyat kasb etmoqda. Shu sharoitda Morgan Stanley xavfsizlik va maʼlumotlarni qayta ishlash uchun zarur boʻlgan texnik tizimlar yoʻnalishida muhim rol oʻynaydigan kompaniyalar roʻyxatini eʼlon qildi.

Tahlilchilarning fikricha, yetakchi kompaniyalardan biri — foydalanuvchilarni identifikatsiya qilish va tizimlarga kirishni boshqarish boʻyicha xizmatlarni ishlab chiqadigan Okta hisoblanadi. Xuddi shu sohada faoliyat yurituvchi SailPoint Technologies sunʼiy intellekt tizimlarini himoya qilish uchun yangi platforma yaratgan va bu jarayonda Anthropic kompaniyasining Claude mahsuloti bilan hamkorlik qila boshlagan.

Roʻyxatga, shuningdek, kompyuter tarmoqlari va bulutli tizimlar xavfsizligi bilan shugʻullanadigan Palo Alto Networks ham kiritilgan. Unga qoʻshimcha ravishda, tahlilchilar raqamli xavfsizlik sohasida faoliyat yurituvchi va oʻz tizimlarida Claude texnologiyalaridan foydalanayotgan CrowdStrike kompaniyasini ham alohida taʼkidlashmoqda.

Reytingga yuqori hisoblash resurslari uchun zarur boʻlgan maʼlumotlar markazlari va texnik muhitni taʼminlovchi Equinix kompaniyasi ham kiritildi. Kompaniya sunʼiy intellekt xizmatlarining ishlashi uchun zarur boʻlgan tizimlar ustida ishlamoqda.

Morgan Stanleyning bahosiga koʻra, sunʼiy intellekt tobora kengroq qoʻllanilishi bilan maʼlumotlarni himoya qilish va texnik tizimlar xavfsizligining ahamiyati yanada ortib boradi.

Manba: Investing.com