Yevropaning birinchi tijorat raketasi orbitaga muvaffaqiyatli uchirildi

Germaniyaga tegishli Isar Aerospace kompaniyasi Norvegiyadan Spectrum raketasini muvaffaqiyatli uchirdi. Spectrum qitʼa Yevropasidan uchirilgan va orbitaga muvaffaqiyatli chiqqan birinchi tijorat raketasiga aylandi.

Spectrum orbitaga beshta kichik sunʼiy yoʻldosh va bitta tajriba qurilmasini olib chiqdi. Raketa kichik va oʻrta hajmdagi sunʼiy yoʻldoshlarni uchirish uchun moʻljallangan.

Isar Aerospace hozirda beshta yangi raketa ustida ishlamoqda va kelajakda yiliga taxminan 40 ta uchirish amalga oshirishni rejalashtirmoqda. Kompaniya, shuningdek, Kanadaning Nova Scotia hududida ikkinchi kosmik markaz qurmoqda, u 2028-yildan ishga tushadi.

Bu kompaniyaning ikkinchi urinishi edi. Spectrum raketasining 2025-yildagi birinchi uchirilishi muvaffaqiyatsizlikka uchragan edi — raketa uchganidan koʻp oʻtmay dengizga qulagan edi.

Yevropa sunʼiy yoʻldoshlarni uchirish borasida boshqa davlatlarga qaramligini kamaytirishga intilmoqda. Yevropa Kosmik Agentligi Isar Aerospace kompaniyasiga infratuzilmani rivojlantirish va yangi raketalar yaratish uchun taxminan 200 million yevro ajratdi. Kompaniya hozircha aksiyalarini ommaviy savdoga chiqarishni rejalashtirmayapti.

Manba: Reuters