BMW xarajatlarni qisqartirish va yangi modellarni chiqarishni rejalashtirmoqda

BMW oʻz biznesini mustahkamlash boʻyicha yangi reja taqdim etdi. Kompaniya ikkita yangi model chiqaradi, rahbarlik lavozimlari sonini qisqartiradi va Xitoy bozorida ishlash strategiyasini oʻzgartiradi.

2028-yildan boshlab BMW Yevropada nisbatan arzon elektromobil ishlab chiqaradi. AQSh bozori uchun esa yangi premium-klass SUV tayyorlanmoqda.

Xitoyda BMW mahalliy ishlab chiqarishni kengaytiradi hamda avtonom boshqaruv va dasturiy taʼminot sohasida xitoylik kompaniyalar bilan hamkorlikni kuchaytiradi.

2027-yil oʻrtalariga qadar BMW boʻlimlar va rahbarlik lavozimlari sonini 20 foizga qisqartiradi. Germaniyada davom etayotgan alohida dastur taxminan 8 ming ish oʻrniga taʼsir qiladi. Shuningdek, kompaniya qaror qabul qilish jarayonlarini tezlashtirish uchun sunʼiy intellektdan foydalanishni rejalashtirmoqda.

BMW ning avtomobil biznesi boʻyicha foyda marjasi hozirda 2,3 foizni tashkil etadi. Kompaniya bu koʻrsatkichni 2028-yilga kelib 3%-5% gacha, keyingi oʻn yillik boshlanishiga esa 8%-10% gacha oshirishni maqsad qilgan. Bu oʻzgarishlarning sababi — Xitoydagi sotuvlarning pasayishi, AQSh bojxona tariflari va foyda prognozlariga nisbatan bir necha marta pastga qayta koʻrib chiqishlar boʻldi.

Manba: Reuters