Bank of America dividendni 14% ga oshirdi
Bank of America oddiy aksiyalar boʻyicha choraklik dividendni 14 foizga, yaʼni 4 sentga oshirishini eʼlon qildi. Natijada bir aksiyaga toʻgʻri keladigan umumiy dividend 32 sentni tashkil etadi.
Bankning bosh ijrochi direktori Brayan Moynihan ushbu qarorning kompaniyaning ortiqcha kapitalni aksiyadorlarga qaytarish boʻyicha oʻz majburiyatiga sodiqligini aks ettirishini taʼkidladi.
Oʻtgan oyi bir qancha yirik AQSh banklari FZTning yillik stress-testlari natijalari eʼlon qilinganidan soʻng dividendlarni oshirish va aksiyalarni qayta sotib olish boʻyicha yangi dasturlarni eʼlon qilgan edi.
Bank of America shuningdek, shu oyning boshida ikkinchi chorak boʻyicha daromadlari bilan Wall Streetning kutganlaridan ustun keldi. Natijalarga global moliyaviy beqarorlik fonida bozorlardagi treyding faolligining ortishi, shuningdek investitsiya banki boʻlimidagi korporativ bitimlarning oʻsishi ijobiy taʼsir koʻrsatdi.
Eng soʻnggi bozor tahlillari va moliyaviy sharhlarni toʻgʻridan-toʻgʻri elektron pochtangizga oling. Spamsiz — faqat foydali maʼlumot.
